Качан тез жардам чакыруу керек?

Ден соолукка байланыштуу күтүүсүз кырдаалдар көп учурда адамды тынчсыздандырып, паникага салат. Мындай учурда эртең мененкини күтүү керекпи, поликлиникага өз алдынча баруу зарылбы же дароо тез жардам чакыруу керекпи — чечим кабыл алуу кыйынга турат. Медицинада «алтын саат» деген эреже бар: оор кырдаалда дарыгерлерди өз убагында чакыруу көп учурда адамдын өмүрүн сактап калат.

Төмөндө берилген кыскача маалымат сизге туура чечим кабыл алууга жардам берет

Эгер төмөнкү белгилер болсо —

дароо тез жардам чакырыңыз

Жүрөк жана кан тамыр оорулары

Инфаркттын алгачкы белгилери::

·көкүрөктүн ортосунда басып же кысып турган катуу оору
оору сол колго, ийинге, моюнга же төмөнкү жаакка тарашы мүмкүн
көбүнчө муздак тердөө жана катуу коркуу сезими менен коштолот

Инсульттун белгилери :

жылмайуу — Жылмаюуга аракет кылган учурда ооздун бурчунун салаңдап калышы
сүйлөөнүн бузулушу- сөздөрдүн так эмес жана түшүнүксүз болушу же такыр сүйлөй албай калуу
кол-буттун иштебей калышы — бир тараптагы кол жана/ же буттагы алсыздык жана/же кыймылдардын жок болушу, сезгичтиктин жоголушу

Дем алуунун бузулушу

Дем алуунун кыйындашы: тынч абалда да катуу демигүү, аба жетпей жаткан сезим
Мүнөздүү үндөр: алыстан угулган ышкырык сыяктуу же кырылдаган дем алуу
Өңдүн өзгөрүшү: теринин же эриндердин көгүш түскө өзгөрүшү

Жаракаттар жана кан кетүү

10 мүнөттөн ашык токтобогон катуу кан кетүү
Эсин жоготуу, кусуу же эс тутумдун бузулушу менен коштолгон баш жаракаты
Ири сөөктөрдүн сынуусуна шектенүү (жамбаш, сан сөөгү)

Курч абалдар

Эс-учун жоготуу: адам кайра эсине келсе да, бул олуттуу оорунун белгиси болушу мүмкүн
Талма (судорога): дененин калтырап-титирөөсү, айрыкча бул абал биринчи жолу болуп жатса
Ичтин өтө катуу оорушу: «бычак сайылгандай» болгон кескин оору. Бул аппендициттин, ички органдын жарылышынын же ички кан кетүүнүн белгиси болушу мүмкүн

Жогорку кан басым

Кан басым 200дөн жогору болуп, дары ичкенден кийин да түшпөсө
Көкүрөктө катуу оору менен коштолсо
Катуу баш оору, баш айлануу, кусуу жана көрүүнүн бузулушу

Шашылыш медициналык жардам керекпи?

OVISMED тез жардам бригадасы сизге каалаган убакта чыгууга даяр

1390

Бригада мүмкүн болушунча тез жетип келиши жана кырдаалга толук даяр болушу үчүн диспетчердин суроолоруна так жооп берүүңүздү өтүнөбүз:

Эмне болду?

Кыскача маалымат бериңиз:
мисалы, «жыгылып кетти, эс-учун жоготту» же «жүрөк тушунда катуу оору бар»

Ким ооруп жатат?

Бейтаптын жынысы жана болжолдуу жашы

Дарек

Шаар, көчө, үйдүн номери, подъезд, домофондун коду

жана кабат

Ким чакырып жатат?

Сиздин атыңыз жана байланыш телефонуңуз

Дарыгерлер келгенге чейин эмнелерди даярдоо керек?

Бейтаптын паспорту жана медициналык полиси

Бейтап дайыма ичип жүргөн дары-дармектердин тизмеси

Медициналык корутундулар, анализдер же выпискалар (эгерде мурда аныкталган өнөкөт оорулары болсо)

Ошондой эле бейтапка тоскоолдуксуз жетүүгө шарт түзүңүз: үй жаныбарларын камап коюңуз жана мүмкүн болсо тез жардам унаасын көчөдөн же подъезддин жанынан тосуп алыңыз

Бишкектеги жеке тез жардам кызматы

OVISMED — Бишкек шаарындагы жеке тез медициналык жардам кызматы. Биз дарыгерди шашылыш чакыруу, бейтаптарды ташуу жана медициналык коштоо кызматтарын сунуштайбыз. Биздин тез жардам унаалары заманбап жабдуулар менен камсыздалган жана суткасына 24 саат чакырууларга чыгууга даяр

БАЙЛАНЫШ ТЕЛЕФОНДОРУ

1399, 1390

+996 (554) 548666, +996 (500) 548666